moraycf (..!التسركيل لاينتهي بنهاية رحلة بل يجب ان تكون حياتنا عبارة عن سفر دائم)
البحيرة الغوزية من البلايص اللي كان ولابد لي نزورها من أجل المتعة أولا والفضول من جهة تانية باش نشوف واش اللون فنيدي نيت😀😀 ف الحقيقة فعلا داكشي اللي لقيت لونها وردي وبالضبط فاش كتضرب فيها الشميشة والسباب ف هاد اللون ف هاد البحيرة هو الملحة!.. وهي بمثابة البحر الميت في افريقيا زعما تلاح فيها ولن تغرق وحق مولانا 😁 وكاينين الصيادة بكثرة فيها بالفلايك ديالهم ولكن صيادة غير بالسمية حيت تايصدو الملحة ماشي الحوووت😜
وصلت لهاد البلاصة ف الصباح مع التسعود من بعد ما خديت طوبيس رقم 73 من – ‘تياروي ‘- ضاحية دكار مباشرة ليها!.. وبثمن زوين 400سيفا.. لقيت ف وصولي، المكان خاوي والجو جميل وراحة البال.. ياسلام😌 تمتعت بالهدوء ودرت واحد الپيريتيف خفيف ظريف « زعما أكلة خفيفة😜 » تحركت ماشيا متأملا و فجنبات اللاك مستأنسا، واخا مرة-مرة تاتغطس رجلي ف الغيس حتى القضية بدات تاتغييس بالبياان وانا نطلع لپيست من بعد ماشفت مايكفي وأخدت من الصور مايطفي شغفي لهذا المكان الرائع!..
وأنا ف الطريق بداو الناس تايبانو ليا، قربت.. لقيتهم ف البلاصة فاش تايتجمعو « الصيادة » جا واحد لعندي ماشي منهم هادا غير بغا ادير فيها مرشد-سياحي معايا😀😂 بغا اجقرني عطيتو وقتو وببسمة مصرهطة سرسبتو 😜 لطريقي عند الصيادة كملت ومعاهم تكلمت ودردشت ومن بعد الدردشة معاهم ودعت بكلام المحبة والسلام✌ ..
شديت طريقي كعابية ف اتجاه الشانطي باش نشد المركوب في اتجاه سان لويس وبطبيعة الحال بشكل متقطع لكي استمتع اكثر بطريق العودة.. ⛺😎
من هادشي كامل، أنا ماخابش بلاني ف زيارتي للبحيرة الوردية « لاك ريطبا » وتمتعت نسبيا فيها وبجوها وبكلامي مع ناسها 😊
***** ******** ******** Tssarkil ********** ******* ***
Breathing the Morning-air; Preservation of Health & Youthful Elasticity; Meditation & Respect .. are the objectives of the Wild-Trip!.. #moraycf
شوفو شوفو .. شوية تصاور
