كن كعابر السبيل في هذه الحياة مع الاستمتاع بها وفيها!.. وإن حان الوقت اسمح لها بالذهاب ولاتتشبث بها!..
هادشي اللي خاص نعرفوه ف حياتنا ولكن من بعد مانعرفو ريوسنا شكون حنا واش بغينا ف هاد الوجود! حيت فاش تانوصلو لحقيقتنا النسبية ف تواجدنا ف هاد الدنيا تايسهال علينا نعيشو حياتنا كيف بغينا باستمتاع حقيقي وف سلام وراحة ذهنية واستغلال جيد للوقت القليل والزمن القصير الذي نحظى به ف هذه الارض الشاسعة بطبيعتها والهائلة بمخلوقاتها واللي خاص نكتاشفوها أو المحاولة في ذلك!..😀⛺✈🚲
بالنسبة ليا تانحول هذا شحال ف هاد الطريق وتانستغل أي فرصة تجي ف طريقي من أجل الاستمتاع بحياتي بدون قيود 🔗 🔗 🔗.. 😎💪
ومن بين طرق استمتاعي بوقتي استغلالي للموتور بالتسركيل بيه واخا هو سكوتر غير ديال المدينة ولكن ف الاخير هو وسيلة نقل والوسيلة تبرر الغاية وغايتي التسركيل 😜😂😎
ف الاول كنت تانتسركل ف نواحي مراكش الجبلية الباهية الجميلة وهادشي كاملو غير ف الويكاندات 😁 ومن بعدها طوالو رجليا.. أقصد سرحو روايد الموتور وسافرت به لسيدي كاوكي من بعد الصويرة هادي 3 سنين قبل..
ولكن حلاوة هاد السفر غادي يزيان فاش واحد النهار كما العادة فاش كنت غادي نزور جدة « الحاجة مي » 🌹 أنا و »الرايس » و »سيم » 😻 طاحت عليا فكرة جاب الله كنت لابس الكاسك 😜 باللي كما تايمشيو معايا عند الحاجة علاش لا يعود يتسركلو معايا فاش نكون نبغي نمشي نستمتع بالجبال والوديان🗻.. وهذا ماكان ف أول تسركيلة كانت للرايس – حيت كان تابت وظريف عكس مو « سيم* » اللي كانت قبيحة😂😂– لمولاي براهيم ومن بعدها كثرات الخرجات والتسركلات وواحد النهار ديتهم بجوج للتاحناوت وهنا تصدمت ف سيم اللي ظلمتها كانت تابثة وهادئة ماشي بحال الفراع ديال ولدها الرايس الغوات والصداع تقول غادي به نرميه ف الخلا😒😂 ساعة خسارة « سيم » ماتت لينا قبل ماتجي الوقت فاش مشيت مرة أخرى للصويرة بالموتور وهاد المرة كان معايا الرايس واللي كانت اول مرة يشوف البحر 😊..
ف الحقيقة التسركيل فوق الموتور وخصوصا مع الرايس عندو طعم زوين ومتعة بوحدها 😍.. وهكذا دائما اصبح تايرافقني ف تسركلاتي فوق الميتيرة
ف الحقيقة راه خاص أي واحد فينا يشوف حياتو بالشوفة اللي تريحو، ويسلك الطريق اللي يرتاح فيها، ويختار رفيق زمانو اللي يرتاح ليه (بطبيعة الحال الى بغا 😀).. حيت حتى شي مايستاهل ف هاد الحياة نوقفو عندو ونحزنو عليه ولا نعطيه قدسية من غير نفوسنا والعزاز علينا واللي غالبا هاد العزاز هما الوالدين 🌹🌹..
عيشو حياتكم وتمتعو بها ونساو همومكم..
» العيش في هذه الحياة لشيء بديهي لكافّة المخلوقات!.. لكن جوهر العيش عندالإنسان يكمُن في مدى حريته في طريقة عيشه لحياته بدون قيْدا العُرف والتقاليد!.. »
*-( سيم ماتت من بعد اكثر من 14العام د العشرة ف رمضان 2018😢) –
فاش تانختارو نعيشو مع شي قط او شي نوع اخر، راه ماشي تانربيوه ولكن هذا راه اختيار ومسؤولية خاص نكونو فكرنا فيها مزيان قبل مانجيبو للدار اللي غادي يشاركنا المعيشة، حيت منين تانختارو شي حيوان اعيش معانا ونتعايشو معاه سوا كان هاد الحيوان من نفس جنسنا شي حبيب (ة) او من جنس اخر كالكلاب او القطط… باختلاف الاسباب اللي خلاتنا نتوجهو لهاد الاختيار فراه ماشي باش نتبوباو بجمال وغنى الحيوان الانساني. ولا نوع القط او الكلب أو نذرة وغلاء شي حيوان اخر.. راه القضية اكبر من هاد المفهوم الغبي .. ولكن مادام الانسان يتباهى بأقل اساسيات الحياة كالاكل والخدمة ووسائل النقل.. اش غادي تتسنا منو فاش اوصل للكماليات!..
ف لحظة ما بقى كلام يمكن نوفي بيه مدة سنين اللّي عاش معانا فيهم « رايسRAÏSS » يكفي الناس القراب لينا والعائلة عارفين مكانتو اللي كانت وغاتبقى واللّي تجاوزات مجرّد أنّه قط!.. وبحال كلشي عارف باللي الولف صعيب وماساهلش نتقبلو حر الفراق، و »رايسRAÏSS » فات قضية الولف راها عشرا ومستحيل يتعوض ولاحتى نفكرو نعوضوه! كِما تايظن بزاف د الناس.. ف الصباح كان فراقو من بعد كثر من 10 ايام وهو تايعاني ف سكات من حر الموت وجات الوقت فاش يستراح!..
– الناس اللي عارفة غادي تحس بكلامي!..
واللّي يقول باللي راه غير مش نقول ليه راك ناقص محنّة، واللّي كان ف نيْتو اتصرهط واستهزا نقول لجد بوه بلا ماتحاول تتصرهط قدّامي وسكاتك حسن!..
في موت المعارف، يبقى مدى تقبّل هذه المُصيبة!.. شيء غريب في أحاسيس الناس كلّ على حدى.. فمِنهم من يتحدّث عليهم بالخير وبالذكريات الجميلة ويزول ألمه بدموع زائفة/العادة، وهناك مَن يتألّم ويحاول أن ينسى/بتناسي حدث فراقهم!..
وهناك مَن يُحاول في فُقدانهم التمسّك بأي شيء منهم كذكرى، وتَذكِّرهم بها!..
ومِن فقدان الأحبّة/الذّوات/الحياة.. مَن لايمكنك التفكير حتّى بفقدانهم عن حياتك ويبقى أمر غيابهم عنك شيء نسبي!.. والتفكير في شيء اسمه « مَوْت » أو « فُقدان » غائب عن أيام حياتك.. فقط تعيش بهم وبحياتك التي عِشت وتعيش بها معهم إلى أن تفقِد أنت نفسك في هذه الحياة التي كُنت محظوظ بوجودك فيها وعيشك هذه التجارب بحُلوها ومُرّها..
» كل شيء له نهاية.. لاشيء دائم.. فقط الافكار هي الخالدة!.. »
» نحن لانملك دموعنا، فهي في أصلها حرة.. فدعوها وشأنها ولاتسجنوها كسجنكم لأحاسيسكم!.. »
***** ******** ******** Tssarkil ********** ******* ***
Breathing the Morning-air; Preservation of Health & Youthful Elasticity; Meditation & Respect .. are the objectives of the Wild-Trip!.. #moraycf
شوفو شوفو .. شوية تصاور
