(..!التسركيل لاينتهي بنهاية رحلة بل يجب ان تكون حياتنا عبارة عن سفر دائم)
..!وجدة يا وجدة ف تاني زيارة لي ليها لقيتها ف طريقها باش تكون واجدة من نواحي بزاف وخصوصا فيما يخص الحجر
😊 و باقي خاص شوية الاهتمام بالبشر
مهم من بعد مانزلت من الكار ف محطة المدينة اللي خاصها تعاود من جديد دايرة كي شي قيصارية 
😁.. حطيت الصاك ف مستودع الامتعة ( وف هاد النقطة بالضبط نوقف شوية بالنسبة للناس اللي تايدخلو المدن بصيكانهم بلا مايبقاو معدبين به احطوه ف المحطة ب 10 دراهم 24 ساعة وديك الساعة امشيو وبالهم مهني اتسركلو ف المدينة مخففين 
😜) مهم لقيت ف انتظاري الجميلة الرائعة هاجر الصديقة الاديبة المنفتحة المثقفة
😍 والتي كانت في الموعد كعادتها 
😌 خداتني معها تسركلني المدينة اللي فيها هي تقرا وعرفاتني على بزاف د البلايص وبزاف د المعلومات على وجدة بلاد الجوامع والملتقيات الثقافية من غير الفلكلور المعروف الركادة واكلة الكاران المشهورة والمزيد المزيد… ومع الوقت كان الصباح كان جوعي ف كرشي داير موسم بالتبوريدة والتاراكد 
😂 مشينا فطرنا قاديت بهاد الفطور المجاج ومن بعدها كملنا التسركيل ف المدينة وف الحقيقة واخا المدينة ليها حقها من الزين والثقافة ولكن المدن طالعين لي ف الكنة هادشي اللي خلاني شاورت هاجر الى كان ممكن ترافقني للسعيدية بطبيعة قربها لوجدة و كان القبول 😌 واخا بلاني كان ندوز النهار كامل ف وجدة ومن طبعي تانتبع ديما المتعة ديالي وارضاء نفسي اولا لا ارضاء مخططي المسبق 😁😜
خدينا طاكسي من بعد ماخديت صاكي من القصارية « المحطة » وصلنا السعيدية تقديت داكشي اللي خاصني لكوزينتي 😁 و قصرنا ف البلايا كملنا النهار اللي بديناه ف وجدة وختمناه بالسلام على امل اللقاء قريبا 😌
فاش رجعات هجر لوجدة قررت نبدا ف نفس اليوم الرحلة اللي كنت مقررها لليوم الموالي وداكشي اللي كان شديت طاكسي خرجني على المدينة وبديت المشي 
🚶 اتجاه راس لما CAP DE L’EAU واللي ضربت ف ديك العشية ساعتين عوض ساعة (ديما خارج على البلان😂😂)
..!شكرا هجر بزاف شكرا وجدة
